Meri Privilege mujhe chup rehna sikhati hai,
Chaubees mey se chalo dus ghante toh bijli mill jati hai..
Sadak pakki nhi toh kya, sarkaar tender toh bharvati hai,
Itne sawal kyu poochte ho.. har roz ye yaad dila ti hai.
Hum sab privileged log chup ho jate hain
dekh kar - bina privilege ke log ek dard sa liye ghoom rhe hain.
Kabhi lal quila, kabhi shaheen bagh, kabhi JNU ka rasta pooch rhe hain.
Aur hum solidarity aur support ka lal ya kala photo laga kar, samanya kaam kaaj ki gadi pakad lete hain.
Kya hai ye desh humare liye, na aazadi ka josh hai, na lathi charge ka aakhrosh
Bas hain shayad ek afsos,
Ki privilege ne jo humko you jadka hai
Is Neoliberal trap mey, wahi channel, wahi akhbar pakda rkha hai.
Jo darate hai, fir opinion chipkate hain.
Na kuch sun ne ka mann hai, na kuch bolne ka sahas
Kuch aisi hi hai meri privilege
Lab toh hain azaad par aazadi mehangi pad jayegi.
Hum dekhenge tabhi, jab apne pe baat ayegi..
No comments:
Post a Comment